លោក ស៊្រុន ពៅ៖ អាជ្ញាធរតាមព្រំដែនត្រូវប្តេជ្ញាទប់ស្កាត់ការនាំចូលសត្វជ្រូករស់ខុសច្បាប់ពីប្រទេសជិតខាង
A letter dated October 28, 2026 from the General Directorate of Animal Health and Production says smuggling live animals into Cambodia for slaughter has happened repeatedly across the country. The announcement calls on border authorities to commit to preventing illegal imports of live pigs from neighboring countries.
អគ្គនាយកដ្ឋានសុខភាពសត្វ និងផលិតកម្មសត្វនៃក្រសួងកសិកម្ម រកឃើញថា ការលួចនាំចូលសត្វរស់មកពិឃាតនៅកម្ពុជា បានកើតឡើងជារឿយៗនៅទូទាំងប្រទេសកម្ពុជា។ នេះបើតាមលិខិតចុះថ្ងៃទី២៨ ខែតុលា ឆ្នាំ២០២៦ របស់អគ្គនាយកដ្ឋានសុខភាពសត្វ និងផលិតកម្មសត្វ និងបញ្ជាក់ថា ការលួចនាំសត្វជ្រូករស់ចូលមកទឹកដីកម្ពុជា ធ្វើឡើងដោយគ្មានការអនុញ្ញាតពីសមត្ថកិច្ចជំនាញ ខណៈជ្រូកដែលនាំចូលនោះ គ្មានប្រភពច្បាស់លាស់ និងអាចបង្កការរីករាលដាលជំងឺឆ្លងពីសត្វទៅមនុស្ស។ ថ្លែងប្រាប់វិទ្យុបារាំងអន្តរជាតិ RFI នៅថ្ងៃទី៣០តុលា ឆ្នាំ២០២៦នេះ លោក ស៊្រុន ពៅ ប្រធានសមាគមអ្នកចិញ្ចឹមសត្វកម្ពុជាលើកឡើងថា កម្ពុជាមិនខ្វះជ្រូក ដើម្បីផ្គត់ផ្គង់ទីផ្សារទេ ប៉ុន្តែឈ្មួញមួយចំនួនមានល្បិច និងចង់ចំណេញច្រើន ទើបនាំចូលជ្រូកពីប្រទេសជិតខាង។ ដើម្បីលើកតម្កើងកសិករ និងអ្នកចិញ្ចឹមសត្វក្នុងស្រុក លោក ស៊្រុន ពៅ ចង់ឃើញអាជ្ញាធរតាមព្រំដែនប្តេជ្ញា និងទប់ស្កាត់ការនាំចូលជ្រូករស់ពីក្រៅប្រទេស។