Ethiopia



የነጃዋር ምስክርነት መሰማት ጉዳይ

የፌዴራል ጠቅላይ ፍርድ ቤት ይገባኝ ሰሚ ችሎት እነ ጃዋር መሐመድ ከእስር ቤት በቪዲዮ የይግባኝ ክርክር እንዲያድርጉ ለዛሬ ይዞት የነበረው ቀጠሮ ተለዋጭ ቀጠሮ
የአሜሪካ ድምፅ

የነጃዋር ምስክርነት መሰማት ጉዳይ

የፌዴራል ጠቅላይ ፍርድ ቤት ይገባኝ ሰሚ ችሎት እነ ጃዋር መሐመድ ከእስር ቤት በቪዲዮ የይግባኝ ክርክር እንዲያድርጉ ለዛሬ ይዞት የነበረው ቀጠሮ ተለዋጭ ቀጠሮ እንደተሰጠበት የተከሳሾች ጠበቃና ጠቅላይ ዐቃቤ አስታውቀዋል። ችሎቱ ሊመለከት የነበረው ዐቃቤ ሕግ የተወሰኑ ምስክሮቹን በዝግና ከመረጃ ጀርባ ለማሰማት ያቀረበውን እና በከፍተኛ ፍርድ ቤት ተቀባይነት ያላገኘውን ጥያቄ ይግባኝ ነው።

የኢትዮጵያ ህፃናትን አንባቢ ለማድረግ የሚጥሩት እናትና ልጅ

ከኢትዮጵያ በማደጎ የተወሰደች የ12 አመት ህፃን ከአሜሪካዊት እናቷ ጋር በመሆን በኢትዮጵያ ያሉ ህፃናት የማንበብና መፃፍ ክህሎታቸውን እንዲያዳብሩ የሚያስች
የአሜሪካ ድምፅ

የኢትዮጵያ ህፃናትን አንባቢ ለማድረግ የሚጥሩት እናትና ልጅ

ከኢትዮጵያ በማደጎ የተወሰደች የ12 አመት ህፃን ከአሜሪካዊት እናቷ ጋር በመሆን በኢትዮጵያ ያሉ ህፃናት የማንበብና መፃፍ ክህሎታቸውን እንዲያዳብሩ የሚያስችሉ መፅሀፍትን እየፃፉና በነፃ ለማዳረስ እየሰሩ ነው። 'ሰፊ ልብ፣ ትልቅ ህልም' ብለው ባቋቋሙት ድርጅት አማካኝነትም እስካሁን በአማርኛ፣ ትግርኛ ኦሮምኛና ሶማሊኛ የተፃፉ አዳዲስ ታሪክ ያላቸው ከ100 ሺህ በላይ መፅሀፍትን በተለያዩ የሀገሪቱ ክፍሎች አዳርሰዋል።

ቆይታ፦ ከስራ ዕድል ፈጠራ ኮሚሽን አማካሪ ቤርናር ላውራንዱ ጋር

 በአውሮፓዊያኑ 2030 ዓመተ ምህረት ለዜጎቿ 20 ሚሊየን  አዳዲስ ስራዎቿን ለመፍጠር ያቀደቸው ኢትዮጵያ፣ ካለመችበት ለመድረስ የተለያዩ መርሀ-ግብሮች በመተግበር
የአሜሪካ ድምፅ

ቆይታ፦ ከስራ ዕድል ፈጠራ ኮሚሽን አማካሪ ቤርናር ላውራንዱ ጋር

 በአውሮፓዊያኑ 2030 ዓመተ ምህረት ለዜጎቿ 20 ሚሊየን  አዳዲስ ስራዎቿን ለመፍጠር ያቀደቸው ኢትዮጵያ፣ ካለመችበት ለመድረስ የተለያዩ መርሀ-ግብሮች በመተግበር ትገኛለች። ከእነዚህ መካከል በሳይንስ ፣ቴክኖሎጂ ፣ ምህንድስና እና ሂሳብ ትምህርቶች (STEM) በየዓመቱ የሚመረቁ በሺዎች የሚቆጠሩ ወጣቶችን ለእንጀራ ያበቃል ብላ ተስፋ የጣለችበት በእንግሊዝኛ ምህጻሩ፣ FROG የተሰኘው መርሀ ግብር ይገኛል። Freelancing, outsourcing and Gigs የሚሉ ቃላትን ያቀናጀው አሰራር ኢትዮጵያዊያን ወጣቶች ጥራት ያለው አገልግሎት በተሻለ ዋጋ  ከሚፈልጉ ሀገራት ፣ የሀገር ውስጥ እና የውጭ ተቋማት ስራዎችን በተለያየ የውል ግንኙነት አማካኝነት ተረክበው የሚሰሩበት ዓይነት ነው። ህንድን በመሰሉ ሀገራት የተለመደው አሰራር ወደ ኢትዮጵያ መጥቶ ቢተገበር የዲጂታል ኢኮኖሚውን የማነቃቃት ፣ ለበርካቶች ስራ የመፍጠር አቅም አለው ብሎ ያመነው የኢትዮጵያ የስራ ዕድል ኮሚሽን ተዛማች ስራዎችን ከጀመረ ሰነባብቷል። ስለ መርሐ-ግብሩ ለማወቅ እና ተያይዘው ለሚነሱ ጥያቄዎች መልስ ለማግኘት ሀብታሙ ስዩም ወደ አቶ ቤርናር ላውራንዱ ደውሏል። አቶ ቤርናር ከ10 ዓመት ለተሻገረ ጊዜ በተለያዩ የዓለም ሀገራት የዲጂታል ስርዓትን በተመለከተ አማካሪ ሆነው ሰርተዋል። በአሁኑ ሰዓት በኢትዮጵያ የስራ ዕድል ፈጠራ ኮሚሽን በከፍተኛ አማካሪነት እያገለገሉ ይገኛሉ። አስቀድመው ኢትዮጵያ ከሌሎች ዘርፎች በተለየ ዲጂታል ኢኮኖሚ ላይ ማተኮር ለምን እንዳስፈለጋት ያስረዳሉ፦  

ሚኒሶታ ክ/ግዛት ውስጥ የአንድ ግለሰብ ግድያን ተከትሎ የተቃውሞ ሰልፎች ተካሄዱ

ዩናይትድ ስቴትስ ሚኒሶታ ክፍለ ግዛት አንድ ግለሰብ በፖሊስ ጥይት መገደሉን ተከትሎ ትናንት ሰኞ ማታ በመቶዎች የተቆጠሩ ሰዎች በፖሊስ ጣቢያ ደጃፍ ተሰባስበው
የአሜሪካ ድምፅ

ሚኒሶታ ክ/ግዛት ውስጥ የአንድ ግለሰብ ግድያን ተከትሎ የተቃውሞ ሰልፎች ተካሄዱ

ዩናይትድ ስቴትስ ሚኒሶታ ክፍለ ግዛት አንድ ግለሰብ በፖሊስ ጥይት መገደሉን ተከትሎ ትናንት ሰኞ ማታ በመቶዎች የተቆጠሩ ሰዎች በፖሊስ ጣቢያ ደጃፍ ተሰባስበው ተቃውሟቸውን አሰምተዋል። ሚኒያፖሊስ ከተማ ዳርቻ የሚገኘው የብሩክልን ሴንተር አካባቢ የሌሊት የሰዓት እላፊ የታወጀ ሲሆን ፖሊሶች ተቃዋሚ ሰልፈኞቹን ለመበተን አስለቃሽ ጋዝና ማስደንገጫ ፈንጂ ወርውረውባቸዋል። ዳንቴ ራይት የተባለው የሃያ ዓመቱ ጥቁር አሜሪካዊ በፖሊስ ጥይት የተገደለው የትራፊክ መብራት ላይ ሲሆን የብሩክልን ሴንተር ፖሊስ አዛዥ ቲም ጋነን ፖሊሷ ቴዘር የሚባለውን የማይገድል ነገር ግን የሚያዘውን ሰው በኤሊክትሪክ ንዝረት የሚያልፈሰፍስ መሳሪያ የተኮሰችበት መስሏት ጥይቱን ሳይተኩስበት አልቀረችም ብለው እንደሚያምኑ ተናግረዋል። የሚኒሶታ ክፍለ ግዛት ጉዳዩ ላይ ምርመራ የከፈተ ሲሆን ፖሊሷ በአስተዳደራዊ ትዕዛዝ ታግዳለች። የከተማዋ ከንቲባ ፖሊሱዋ መታገድ ሳይሆን መባረር አለባት ብለዋል። የሰው ህይወት የሚያጠፋ ስህተት መስራት አንችልም፤ በዚህ ጉዳይ ፍትህ እንዲሰጥ የቻልነውን ሁሉ እናደርጋለን ሲሉም ከንቲባው አክለዋል። የሙሟ ወንድም በትናንቱ የሻማ ማብራት የተቃውሞ ትዕይንት ላይ ባደረገው ንግግር "ፖሊሷ እንደምን ጥይትን ከቴዘር ከንዝረት ለቃቂ አልቻለችም? ፕላስቲክና ብረት አንድ አይደለም፤ ሁላችንም እናውቃለን ብሏል። ጉዳዩን አመልክተው ፕሬዚዳንት ጆ ባይደን በሰጡት ቃል የሆነውን ነገር የሚካሄደውም ምርመራ ይለየዋል ብለዋል። ዕሁድ ማታ ከተካሄደው ተቃውሞ በኋላ የተፈጸመው ዝርፊያ ግን በምንም ምክንያት ሊፈጸም የማይገባ ነው ብለዋል። ባይደን ትናንት ለጋዜጠኞች በሰጡት ቃል ሰላም እና እርጋታ እንዲሰፍን እማጸናለሁ። የዳንቴ እናት ሰላም እና መረጋጋት እንዲሰፍን የሚያደርጉትን ጥሪ ማስማት አለብን። የሟቹ እናት ለተቃውሞ ሰልፈኞች “ሰላማዊ ሆናችሁ ትኩረታችሁን የሞተው ልጄ ላይ አድርጉ” ሲሉ ተማጽነዋል።

የነቀምቴው የቦንብ ፍንዳታ

ባለፈው ቅዳሜ የነቀምቴ ከተማ የቦምብ ፍንዳታ የሰው ህይወት መጥፋቱንና በርካቶች መቁሰላቸውን ፖሊስ አስታወቀ። የከተማይቱ የፖሊስ አዛዥ የጥቃቱን ፈጽሚዎች
የአሜሪካ ድምፅ

የነቀምቴው የቦንብ ፍንዳታ

ባለፈው ቅዳሜ የነቀምቴ ከተማ የቦምብ ፍንዳታ የሰው ህይወት መጥፋቱንና በርካቶች መቁሰላቸውን ፖሊስ አስታወቀ። የከተማይቱ የፖሊስ አዛዥ የጥቃቱን ፈጽሚዎች ማንነት ተናግረዋል። ተጠርጣሪዎች መያዛቸውንም አስታውቀዋል።

ናይጄሪያ ውስጥ የረድዔት ድርጅቶች ጣቢያዎች ላይ ጥቃት ደረሰ

የተባበሩት መንግሥታት ድርጅት ሰሜን ናይጄሪያ ውስጥ በሚገኙ የዓለም አቀፍ የረድዔት ድርጅቶች ሦስት ጣቢያዎች ላይ ጥቃት መድረሱን አስታወቀ። ቅዳሜ ሌሊት ዳ
የአሜሪካ ድምፅ

ናይጄሪያ ውስጥ የረድዔት ድርጅቶች ጣቢያዎች ላይ ጥቃት ደረሰ

የተባበሩት መንግሥታት ድርጅት ሰሜን ናይጄሪያ ውስጥ በሚገኙ የዓለም አቀፍ የረድዔት ድርጅቶች ሦስት ጣቢያዎች ላይ ጥቃት መድረሱን አስታወቀ። ቅዳሜ ሌሊት ዳማሳክ የምትባለው ከተማ ውስጥ ለተፈጸመው ጥቃት ሃላፊነት የወሰደ የለም። ሆኖም ከቦኮ ሃራም የተገነጠለው ስዋፕ ተብሎ የሚጠራው ቡድን በጥቃቱ አድራሽነት ተጠርጥሯል። ቡድኑ ዓለም አቀፍ የእርዳታ ድርጅቶችን የምትረዱ ናይጄሪያውያን የጥቃት ዒላማ እናደርጋችኋለን ብሎ ሲዝት ቆይቷል። በቅዳሜው ጥቃት ከተጎዱት ዓለም አቀፍ የእርዳታ ድርጅቶች አንዱ የሆነው የኖርዌይ የስደተኞች እርዳታ ድርጅት ለሲቪሉ ህዝብ እርዳታ የምናጓጉዝባቸው መኪናዎች ወድመውብናል ሲል አስታውቋል።

ከጉልበት ሰራተኞች ጀምሮ ስራ ፈላጊዎችን አገናኙ መተግበሪያ

«ጉዳይኦን» ከስድስት ወራት በፊት ስራ የጀመረ ስራ ፈላጊና ቀጣሪዎችን አገናኝ አውታር(መተግበሪያ) ነው። ከ15ሺ በላይ ኢትዮጵያዊያን ስራ ለመቀጠር እና ለ
የአሜሪካ ድምፅ

ከጉልበት ሰራተኞች ጀምሮ ስራ ፈላጊዎችን አገናኙ መተግበሪያ

«ጉዳይኦን» ከስድስት ወራት በፊት ስራ የጀመረ ስራ ፈላጊና ቀጣሪዎችን አገናኝ አውታር(መተግበሪያ) ነው። ከ15ሺ በላይ ኢትዮጵያዊያን ስራ ለመቀጠር እና ለመቅጠር እየተጠቀሙበት ስለመሆኑ ፈጣሪዎቹ የሚናገሩለት መተግበሪያ በስልክ ላይ የሚጫን ነጻ አገልግሎት ነው። ከጉልበት ሰራተኞች ጀምሮ ልዩ ክህሎትን የሚጠይቁ ባለሙያዎች  እንዲጠቀሙበት ተደርጎ የተሰረው መተግበሪያ ስራ ለመቀጠር እና ለመቅጠር ያለን አልፊ ሂደት  የማስቀረት ዓላማ እንዳለው መተግበሪያውን የሰራው ተቋም ኃላፊ አቶ ዓለም አብርሃ ለአሜሪካ ድምጽ ተናግረዋል። አገልግሎቱን ለማሳደግ በማሰብ ተቋማቸው ስራ ፈላጊ እና ቀጣሪዎችን የሚያገናኝ የስልክ አገልግሎት ለማስጀመር ዕቅድ  እንዳለው የተናገሩት አቶ ዓለም፣ በሀገር ቤት ያዩት ባለሙያዎችን የማግኘት ውጣ ውረድ ለፈጠራው መነሻ እንደሆናቸው አክለዋል። ሀብታሙ ስዩም ከአቶ ዓለም አብረሃ ጋር ያደረገውን አጭር ቆይታ ያዳምጡ።  

የሀይማኖት አባቶች የፀረ-ኮቪድ 19 ክትባት ወሰዱ

በኢትዮጵያ የሀይማኖት አባቶች ዛሬ የኮቪድ-19 ክትባትን ወስደዋል። ኅብረተሰቡ የመከተብ ዕድል ሲያገኝ ክትባቱን እንደሚገባውም ያሳሰቡት የኃይማኖችት አባቶቹ
የአሜሪካ ድምፅ

የሀይማኖት አባቶች የፀረ-ኮቪድ 19 ክትባት ወሰዱ

በኢትዮጵያ የሀይማኖት አባቶች ዛሬ የኮቪድ-19 ክትባትን ወስደዋል። ኅብረተሰቡ የመከተብ ዕድል ሲያገኝ ክትባቱን እንደሚገባውም ያሳሰቡት የኃይማኖችት አባቶቹ፤ ሕዝቡ ራሱን ከኮሮናቫይረስ እንዲከላከልም ጥሪ አቅርበዋል፡፡ ዝርዝሩን ከተያያዘው የድምጽ ፋይል ያድምጡ፡፡  

የመራጮች ምዝገባ መጓተትና የምርጫ ቦርድ ምላሽ

የስድስተኛው ብሄራዊ ምርጫ የመራጮች ምዝገባ በአንዳንድ የአገሪቱ ክፍሎች እስካሁን ያልተጀመረው በትራንስፖርት እጥረት ነው ሲል የኢትዮጵያ ብሔራዊ ምርጫ ቦ
የአሜሪካ ድምፅ

የመራጮች ምዝገባ መጓተትና የምርጫ ቦርድ ምላሽ

የስድስተኛው ብሄራዊ ምርጫ የመራጮች ምዝገባ በአንዳንድ የአገሪቱ ክፍሎች እስካሁን ያልተጀመረው በትራንስፖርት እጥረት ነው ሲል የኢትዮጵያ ብሔራዊ ምርጫ ቦርድ አስታወቀ። በትናንትናው ዕለት ለአሜሪካ ድምጽ የተናገሩ ተፎካካሪ ፓርቲዎችም በየምርጫ ጣቢያዎቹ የመመዝገቢያ ስፍራ ቢዘጋጅም ምዝገባው ባለመጀመሩ ግን ቅሬታቸውን አሰምተው ነበር።

ልውጡ የኮሮናቫይረስ ዝርያ በዩናይትድ ስቴትስ

ዩናይትድ ስቴትስ ውስጥ በአሁኑ ጊዜ በዋናነት እየተዛመተ ያለው ባለፈው ታህሳስ ወር ብሪታንያ ላይ የተቀሰቀሰው ‘B.1.1.7’ ተብሎ የሚታወቀው ልውጡ የኮሮናቫይረ
የአሜሪካ ድምፅ

ልውጡ የኮሮናቫይረስ ዝርያ በዩናይትድ ስቴትስ

ዩናይትድ ስቴትስ ውስጥ በአሁኑ ጊዜ በዋናነት እየተዛመተ ያለው ባለፈው ታህሳስ ወር ብሪታንያ ላይ የተቀሰቀሰው ‘B.1.1.7’ ተብሎ የሚታወቀው ልውጡ የኮሮናቫይረስ ዝርያ ዓይነት መሆኑን የዩናይትድ ስቴትስ የበሽታ መከላከያ እና መቆጣጠሪያ ማዕከል /ሲዲሲ/ አስታወቀ። ሲዲሲ ባለፈው ጥር ወር ልውጡ የኮሮናቫይረስ ዝርያ የቀድመው መጋቢት ወር ላይ ስንደርስ በሀገሪቱ የሚዛመተው ዋናው ዓይነት እንደሚሆን ተንብዮ እንደነበር ይታወሳል። የሲዲሲ ዋና ዳይሬክተር ዶ/ር ሮሼል ዋሌንስኪ ትናንት ረቡዕ በዋይት ሃውስ ባደረጉት ገለጻ  «አሁንም ከቫይረሱ አልተላቀቅንም፣ ሰዎች እየተያዙ ለጉዳት እየተዳረጉ ነው ስለዚህም ነቅተን መከላከል አለብን» ብለዋል። ባሁኑ ጊዜ በዩናያትድ ስቴትስ የኮሮናቫይረስ ተያዦች ቁጥር ከሠላሳ ሚሊዮን አልፏል፥ በበሽታው ሳቢያ ህይወታቸውን ያጡት ሰዎች ቁጥርም ከ559116 በላይ ማሻቀቡን የጃንስ ሃፕኪንስ ዩኒቨርስቲ የኮቪድ መረጃ ማዕከል አመልክቷል።  

የኒው ዚላንድ የጉዞ ዕገዳ

ኒው ዚላንድ ከፊታችን ዕሁድ ጀምሬ ከህንድ የሚመጣ ተጓዥ አላስገባም ብላለች። ምክንያቱ ደግሞ ከወደዚያ የሚመጡ መንገደኞች ላይ በብዛት ኮሮናቫይረስ እየተገኘ
የአሜሪካ ድምፅ

የኒው ዚላንድ የጉዞ ዕገዳ

ኒው ዚላንድ ከፊታችን ዕሁድ ጀምሬ ከህንድ የሚመጣ ተጓዥ አላስገባም ብላለች። ምክንያቱ ደግሞ ከወደዚያ የሚመጡ መንገደኞች ላይ በብዛት ኮሮናቫይረስ እየተገኘ በመሆኑ ነው ብላለች።  በቅርቡ ለይቶ ማቆያ ካስገባቻቸው ሃያ ሦስት አዲስ የቫይረሱ ተያዦች መካከል አስራ ሰባቱ ከህንድ የገቡ መሆናቸውን ኒው ዚላንድ አስታውቃለች። ከፊታችን ዕሁድ እስከ ያዝነው የአውሮፖ ሚያዝያ 28 የሚጸናው የጉዞ ዕገዳ ከህንድ የሚገቡ የኒው ዚላንድ ዜጎችንም ጭምር የሚመለከት መሆኑንም አስታውቃለች። በአሁኑ ወቅት ህንድ የኮሮናቫይረስ ተያዦቿ ቁጥር ወደ አስራ ሦስት ሚሊዮን ተቃርቧል። ከዩናይትድ ስቴትስ እና ከብራዚል ቀጥሎ ከፍተኛው አሃዝ ሲሆን ትናንት ብቻ 126789 ተያዦች ተመዝግቧል። ቫይረሱ ለሁለተኛ ዙር በፍጥነት መዛመት በያዘበት በዚህ ወቅት ህንድ 1 ነጥብ ሦስት ቢሊዮኑን ህዝቧን የበሽታውን መከላከያ ለመከተብ እየተጣደፈች ትገኛለች።  

በዩናይትድ ስቴትስ የአማራ ማህበራት ያስተባበሩት ሰልፍ ተደረገ

ዩናይትድ ስቴትስ ውስጥ የሚገኙ የአማራ ማኅበራት ያስተባበሩት ሰልፍ ማክሰኞ መጋቢት 28/2013 ዓም  ዋሺንግተን ዲሲ ውስጥ ተደርጓል።   በዩናይትድ ስቴት
የአሜሪካ ድምፅ

በዩናይትድ ስቴትስ የአማራ ማህበራት ያስተባበሩት ሰልፍ ተደረገ

ዩናይትድ ስቴትስ ውስጥ የሚገኙ የአማራ ማኅበራት ያስተባበሩት ሰልፍ ማክሰኞ መጋቢት 28/2013 ዓም  ዋሺንግተን ዲሲ ውስጥ ተደርጓል።   በዩናይትድ ስቴትስ የውጭ ጉዳይ መሥሪያ ቤት ፊት ለፊት የተደረገው ትዕይንተ - ህዝብ ዓላማው “በተለያዩ የኢትዮጵያ አካባቢዎች ብሄር የለየ በደል እየደረሰባቸው ነው” ላሏቸው የአማራ ብሄር ተወላጆች ድምፅ ለመሆንና የአሜሪካ መንግሥትም “ኢትዮጵያ ውስጥ ብሄር የለየ ጥቃት እንዲቆም ጣልቃ እንዲገባ ለመጠየቅ” መሆኑን አስተባባሪዎች ገልፀዋል።   “ብሄር ተኮር ጥቃት እንዲስፋፋ በቀጥታም ሆነ በተዘዋዋሪ አስተዋፅዖ አድርገዋል፤ እየተፈፀሙ ላሉት የመብቶች ጥሰቶች ተገቢውን ትኩረት አልሰጡም” ያሏቸውን መንግሥታዊ አካላትና መንግሥታዊ ያልሆኑ የመብቶች ጉዳዮች ተቋማትን ሰልፈኞቹ ኮንነዋል።  ከኢትዮጵያ መንግስት እና ወቃሳ ከቀረበባቸው የመብት ተሟጋች ድርጅቶች መካከል አንዱ የሆነው አምነስቲ ኢንተርናሽናል ምላሽ የታከለበትን ዘገባ ሀብታሙ ስዩም በመቀጠል ያሰማናል።  

የኢትዮጵያውያን ክትባት በቨርጂኒያ “15 ሺ ሰዎችን ከትበናል”

በዩናይትድ ስቴትስ የኮቪድ ክትባት አሰጣጥ ሂደት ተጠናክሮ ቀጥሏል፡፡ ክትባቱን ለማግኘት የተለያዩ መስፈርቶችና የጊዜ ቅደም ተከተሎች ያሉት ሲሆን እንደየ ክ
የአሜሪካ ድምፅ

የኢትዮጵያውያን ክትባት በቨርጂኒያ “15 ሺ ሰዎችን ከትበናል”

በዩናይትድ ስቴትስ የኮቪድ ክትባት አሰጣጥ ሂደት ተጠናክሮ ቀጥሏል፡፡ ክትባቱን ለማግኘት የተለያዩ መስፈርቶችና የጊዜ ቅደም ተከተሎች ያሉት ሲሆን እንደየ ክፍለ ግዛቶቹ ይለያያል፡፡ እዚህ ቨርጂኒያ ውስጥ ግን የኢትዮጵያውያን ማህበረሰብ አባላት ምንም ዓይነት ምዝገባና ወረፋ መጠበቅ ሳያስፈልጋቸው ከየትኛውም አካባቢ የመጡም ቢሆን፣ መታወቂያና የመድን ወይም ኢንሹራንስ ካርዳቸውን ብቻ በመያዝ ክትባቶቹ ወደሚሰጡበት ቦታ ሄደው ሲወስዱ ተመልክተናል፡፡ ካለፈው መጋቢት ወር ጀምሮ ቨርጂኒያ ስፕሪንግ ፊልድ፣ ቫንዶርንና ፍራንኮንያ ላይ በሚገኘው አማኑኤል የኢትዮጵያ ወንጌላዊት ቤተክርስቲያን እና የኢትዮጵያ ማህበረሰብ የልማት ድርጅት ኢሲዲሲን (ECDC) ጨምሮ በተለያዩ የኢትዮጵያውያን የንግድና የእምነት ተቋማት ውስጥ ክትባቱ ሲሰጥ መቆየቱንና በሌሎች ሥፍራዎች በቅርቡም የሚቀጥል መሆኑንም አስተባባሪዎቹ ተናግረዋል፡፡ በርካታ በጎ ፈቃደኛ ኢትዮጵውያውይን የህክምና ባለሙያዎች የተሳተፉበትን የክትባቱን መርሃ ግብር ያቀናጀችው የፋርማሲ ባለሙያና የቫንዶርን መድሃኒት ቤት ባለቤት የሆነችው ዮዲት ጉልላት ለአሜሪካ ድምጽ እንደተናገረችው ካለፈው መጋቢት ጀምሮ እስካሁን ወደ 15ሺ የሚሆኑ ሰዎች ክትባቱን እንዲወስዱ ማድረግ ተችሏል፡፡ የዛሬው ኢትዮጵያውን በአሜሪካ ፕሮግራማችን እንግዳችን አድርገናታል፡፡ ዝርዝሩን ከተያያዘው የድምጽ ፋይል ያድምጡ፡፡  

በአቤ ዶንጎሮ ጥቃት ሲቪሎች ተገደሉ

በሆሮ ጉዱሩና ምስራቅ ወለጋ ዞኖች ሁለት ወረዳዎች ውስጥ ታጣቂዎች ከትናንት በስቲያ ጥቃት አድርሰው ሲቪሎችን መግደላቸው ተገለፀ። በጥቃቱ በአጠቃላይ 12 ሰዎች
የአሜሪካ ድምፅ

በአቤ ዶንጎሮ ጥቃት ሲቪሎች ተገደሉ

በሆሮ ጉዱሩና ምስራቅ ወለጋ ዞኖች ሁለት ወረዳዎች ውስጥ ታጣቂዎች ከትናንት በስቲያ ጥቃት አድርሰው ሲቪሎችን መግደላቸው ተገለፀ። በጥቃቱ በአጠቃላይ 12 ሰዎች መገደላቸውንና ቁጥራቸው በውል ያልተገለፀ ሰዎች መቁሰላቸውን የአይን እማኝ ነን ያሉ ሰዎች ተናግረዋል። የሆሮ ጉዱሩ ወለጋ ዞን አስተዳዳሪ አቶ በቀለ ደቻሳ «በአቤ ዶንጎሮ ወረዳ ውስጥ 'ኦነግ ሸኔ' ሶስት ሲቪሎችንና ሶስት የሚሊሻ አባላትን ገድለዋል» ብለዋል። በአፀፋውም ሁለት ታጣቂዎች ተገድለዋል ሲሉ አክለዋል።

በአንፆኪያ ግጭት ህይወት ጠፋ

በሰሜን ሸዋ ዞን የአንጾኪያ ገምዛ ወረዳንና በኦሮሞ ብሔረሰብ አስተዳደር ዞን የአርጡማ ፉርሲን ወረዳ በሚያጎራብቱት አገረማርያም ሟጨራ ቀበሌና ዲምቱ ጨቆር
የአሜሪካ ድምፅ

በአንፆኪያ ግጭት ህይወት ጠፋ

በሰሜን ሸዋ ዞን የአንጾኪያ ገምዛ ወረዳንና በኦሮሞ ብሔረሰብ አስተዳደር ዞን የአርጡማ ፉርሲን ወረዳ በሚያጎራብቱት አገረማርያም ሟጨራ ቀበሌና ዲምቱ ጨቆርሶ ቀበሌ ላይ ነው በተፈጠረ ግጭት በትንሹ ሁለት ሰዎች ሳይሞቱና አምስት የሚደርሱ ሳይቆስሉ እንዳልቀሩ ከስፍራዎቹ የደረሰን መረጃ ያመለክታል። ለግጭቱ ምክንያት አንዱ ሌላውን ተጠያቂ እያደረገ ነው፡፡

በነ አቶ ጃዋር ጉዳይ ምሥክርነት የሚሰማው በግልፅ እንዲሆን ችሎት ወሰነ

ዓቃቤ ህግ በእነ ጃዋር መሀመድ ላይ በዝግ ችሎት ላሰማ ያለውን የምስክር የአሰማም ሂደት የፌደራል ከፍተኛ ፍርድ ቤት ውድቅ አድርጓል::
የአሜሪካ ድምፅ

በነ አቶ ጃዋር ጉዳይ ምሥክርነት የሚሰማው በግልፅ እንዲሆን ችሎት ወሰነ

ዓቃቤ ህግ በእነ ጃዋር መሀመድ ላይ በዝግ ችሎት ላሰማ ያለውን የምስክር የአሰማም ሂደት የፌደራል ከፍተኛ ፍርድ ቤት ውድቅ አድርጓል::

የኪንሻሳ የኅዳሴ ግድብ ድርድር ያለስኬት ተበተነ

የአፍሪካ ኅብረት የወቅቱ ሊቀመንበር በሆኑት የኮንጎ ዴሞክራሲያዊት ሪፐብሊክ ፕሬዚዳንት ፌሊክስ-አንቷን ሺሴኬዲ አደራዳሪነት ዋና ከተማዪቱ ኪንሻሳ ላይ ትና
የአሜሪካ ድምፅ

የኪንሻሳ የኅዳሴ ግድብ ድርድር ያለስኬት ተበተነ

የአፍሪካ ኅብረት የወቅቱ ሊቀመንበር በሆኑት የኮንጎ ዴሞክራሲያዊት ሪፐብሊክ ፕሬዚዳንት ፌሊክስ-አንቷን ሺሴኬዲ አደራዳሪነት ዋና ከተማዪቱ ኪንሻሳ ላይ ትናንት ተጀምሮ የነበረው የኢትዮጵያ፣ የሱዳንና የግብፅ ድርድር ያለስኬት ተበተነ። ስለጉዳዩ ዛሬ የተጠየቁት የተባበሩት መንግሥታት ድርጅት ዋና ፀሐፊ ቃል አቀባይ ስቴፋን ዱያሪች “ልዩነቶችን የማቻቻልንና የመተባበርን አስፈላጊነት በበቂ ሁኔታ ላጎላው አልችልም” ብለዋል። የተጨበጠ ስምምነት ላይ ለመድረስ ወገኖቹ አበርትተው መጣራቸውን እንዲቀጥሉ የመንግሥታቱ ድርጅት ጥሪ እንደሚያደግ ዱያሪች አመልክተው በወቅቱ የአፍሪካ ኅብረት ሊቀመንበርነታቸው ወገኖቹን እንደገና ለማገናኘት ፕሬዚዳንት ሺሴኬዲ ስላደረጉት ጥረት አድናቆታቸውን ገልፀዋል። የወገኖቹን ጥረቶች ለመደገፍም የመንግሥታቱ ድርጅት አሁንም ዝግጁ መሆኑን በድጋሚ እንደሚያረጋግጥ አስታውቀው “እኔ ይህንን ልተው፤ አንተም ይህንን ተው” የማለት አካሄድና የትብብርን አስፈላጊነት በድጋሚ አንስተው አሳስበዋል። ለድርድሩ መስተጓጎል “ከኢትዮጵያ በኩል በቅንነት ለመነጋገር የፖለቲካ ፍላጎት የለም” ሲል የግብፅ ወገን መክሰሱን ስለሁኔታው ዋና ፀሃፊው ምን እንደሚያስቡና በጉዳዩ ውስጥ ዲፕሎማሲ ሊጫወት የሚችለው ሚና ይኖር እንደሆነ እንዲያብራሩ ለዱያሪች ጥያቄውን ያነሳው ጋዜጠኛ ጠቁሟል። እስካሁን ከየትኛውም ወገን በይፋ የወጣ መግለጫ የለም። ይህ በእንዲህ እንዳለ ስምምነት ላይ ሳይደረስ ኢትዮጵያ ወደ ሁለተኛው ሙሌት ብትገባ “ሊገመት የማይችል ትርምስ በአካባቢው ይፈጠራል” ሲሉ የግብፅ ፕሬዚዳንት ባለፈው ሣምንት መዛታቸውን መገናኛ ብዙኃን ዘግበዋል። በሌላ በኩል ደግሞ ኢትዮጵያ ግድቡን በመሙላት ካልቀጠለች “ከተቋራጩ ኩባንያ ጋር በገባችው ውል መሠረት የአንድ ቢሊዮን ዶላር ኪሣራ እንደሚደርስባት” ጠቅላይ ሚኒስትር አብይ አህመድ በቅርቡ አሳውቀው ነበር። የኅዳሴ ግድብ ግንባታ መሠረት የተጣለበትን አሥረኛ ዓመት አስመልክቶ ከአምስት ቀናት በፊት በትዊተር ገፃቸው ላይ መልዕክት ያሰፈሩት የኢትዮጵያ ዋና ተደራዳሪ የሆኑት የውኃ፣ የመስኖና የኤሌክትሪክ ኃይል ሚኒስትር ዶ/ር ስለሺ በቀለ የግድቡ ግንባታ 79 ከመቶ መጠናቀቁን ገልፀው “ኢትዮጵያ ተፋሰሱን ፍትሐዊ እና ምክንያታዊ በሆነ መልኩ በጋራ ለመጠቀም አቋሟ የማይናወፅ ነው” ብለዋል።

የትግራይ ተወላጅ ተፈናቃዮች ሽረ እንዳስላሴ ላይ መፍሰሳቸው ተገለጸ

ከምዕራብ ትግራይ የተለያዩ አካባቢዎች መፈናቀላቸው የተነገረ ግዙፍ ቁጥር ያላቸው የትግራይ ተወላጆች ሽረ እንዳስለሴ ከተማ መስፈራቸውን የሰሜን ምዕራብ ት
የአሜሪካ ድምፅ

የትግራይ ተወላጅ ተፈናቃዮች ሽረ እንዳስላሴ ላይ መፍሰሳቸው ተገለጸ

ከምዕራብ ትግራይ የተለያዩ አካባቢዎች መፈናቀላቸው የተነገረ ግዙፍ ቁጥር ያላቸው የትግራይ ተወላጆች ሽረ እንዳስለሴ ከተማ መስፈራቸውን የሰሜን ምዕራብ ትግራይ ጊዜያዊ አስተዳዳሪ አስታውቀዋል። ሽረ እንዳስላሴ ከተማ ውስጥ ከ345,000 በላይ ተፈናቃዮች ትምህርት ቤቶችና የዛፍ ስር ሳይቀር ተጠልለው እንደሚገኙ ቪኦኤ ያነጋገራቸው ገልፀዋል። የትግርኛ አገልግሎት ባልደረባችን ገብረ ገብረመድህን ያጠናቀረውን ዝርዝር ዘገባ አዳነች ፍሰሃዬ ታቀርበዋለች።

የጤና አዋቂዎች ስለአዳዲሶቹ የኮሮናቫይረስ

«በየጊዜው አዳዲስ የኮሮናቫይረስ ክትባቶች በስኬት እየወጡ ቢሆንም ያ ወረርሽኙን ድል ልንመታው ነው ማለት አይደለም» ሲሉ ዓለም አቀፍ የህዝብ ጤና ጥበቃ
የአሜሪካ ድምፅ

የጤና አዋቂዎች ስለአዳዲሶቹ የኮሮናቫይረስ

«በየጊዜው አዳዲስ የኮሮናቫይረስ ክትባቶች በስኬት እየወጡ ቢሆንም ያ ወረርሽኙን ድል ልንመታው ነው ማለት አይደለም» ሲሉ ዓለም አቀፍ የህዝብ ጤና ጥበቃ አዋቂዎች አስገነዘቡ። የላንሴት የኮቪድ-19 ኮሚሽን ግብረ ሃይል አባላት ዘ ኮንቬርሴሽን በተባለው መጽሄት ላይ ባሳተሙት ጥናታዊ ጽሁፋቸው ከፊተኛው ይበልጥ ተላላፊ የሆኑት የኮሮናቫይረስ ዝርያ ዓይነቶችን ለመቆጣጠር ዓለም በከፍተኛ ሩጫ ላይ እንደሆነች አመልክተዋል። አያይዘውም እየተቀያየረ ያለው የቫይረሱ ዝርያ አሁን ጥቅም ላይ እየዋሉ ያሉትን ክትባቶች እንዳይሰሩ ሊያደርግ እንደሚችል ጠቅሰው፣ ልውጦቹ ዝርያዎች ጨዋታውን ቀይረውታል ብለዋል። የጤና ኤክስፐርቶቹ ግብረ ሃይል አያይዞ ሦስት አዳዲስ የኮሮናቫይረስ ልውጥ ብሪታንያ እና ደቡብ አፍሪካ በማስከተልም ብራዚል ላይ የተከሰቱትን ጨምሮ ልውጦቹ የቫይረሱ ዓይነቶች ስጋት መደቀናቸውን አስገንዝቧል። የኮሮናቫይረስ ስርጭትን ለመቆጣጠር በዓለም አቀፍ ደረጃ በጠበቀ ስልት ተቀርጾ መንቀሳቀስ እንደሚያስፈልግ አዋቂዎቹ አሳስበዋል። ይህም የአፍና የአፍንጫ መሸፈኛ ጭንብል መጠቀም፣ አካላዊ ርቀትን መጠበቅ እና የቤቶችና መሰል ዝግ ቦታዎችን አየር እንዳይታፈን ማድረግ እና የክትባት ዘመቻውን መቀጠልን እንደሚጨምር አብራርተዋል።

በትግራይ አካባቢዎች መብራት ከጠፋ ሳምንት ሆነው

በትግራይ ክልል አብዛኛው አካባቢ የኤሌክትሪክ አገልግሎት ከተቋረጠ አምስተኛ ቀን ተቆጠረ። የኢትዮጵያ የኤሌክትሪክ አገልግሎት የመቋረጡ መንግስኤ ምን እንደ
የአሜሪካ ድምፅ

በትግራይ አካባቢዎች መብራት ከጠፋ ሳምንት ሆነው

በትግራይ ክልል አብዛኛው አካባቢ የኤሌክትሪክ አገልግሎት ከተቋረጠ አምስተኛ ቀን ተቆጠረ። የኢትዮጵያ የኤሌክትሪክ አገልግሎት የመቋረጡ መንግስኤ ምን እንደሆነ እስካሁን እንዳላወቀው ጠቅሶ ችግሩን ለማወቅ እየጣረ መሆኑን ገልጿል።

የፍልሰተኞች ጀልባ ተገልብጦ የሰዎች ህይወት አለፈ

ብዛት ያላቸው ፍልሰተኞችን ጭኖ ወደአውሮፓ ሲጓዝ የነበረ ጀልባ ሊቢያ ባህር ጠረፍ ላይ ተገልብጦ ሁለት ሴቶች እና ሦስት ህጻናት ሰጥመው ህይወታቸውን ማጣታቸው
የአሜሪካ ድምፅ

የፍልሰተኞች ጀልባ ተገልብጦ የሰዎች ህይወት አለፈ

ብዛት ያላቸው ፍልሰተኞችን ጭኖ ወደአውሮፓ ሲጓዝ የነበረ ጀልባ ሊቢያ ባህር ጠረፍ ላይ ተገልብጦ ሁለት ሴቶች እና ሦስት ህጻናት ሰጥመው ህይወታቸውን ማጣታቸውን የተባበሩት መንግሥታት ድርጅት ባለሥልጣናት አስታወቁ። ከትናንት በስቲያ ማክሰኞ በማዕከላዊ ሜዴታራኒያን ባህር መስመር ከደረሰው አደጋ አንድ የአሳ አጥማጅ መርከብ እና የሊቢያ የጠረፍ ጥበቃ ሃይሎች ደርሰው ወደ ሰባ ሰባት የሚሆኑትን ለማውጣት መቻላቸው ተዘግቧል። 

ከቀርክሃ እንጨት ካልሲ እና ምንጣፎች የምታመርተው ወጣት ይዲዲያ ዳምጠው

ይዲዲያ ዳምጠው ወጣት ስራ ፈጣሪ ስትሆን አክሊል የተሰኘ ተቋም መስራች ናት፡፡ ከተመሰረተ ሁለት ዓመት እድሜ ያለው አክሊል በዋናነት በአካባቢ ጥበቃ ላይ ዘላቂ
የአሜሪካ ድምፅ

ከቀርክሃ እንጨት ካልሲ እና ምንጣፎች የምታመርተው ወጣት ይዲዲያ ዳምጠው

ይዲዲያ ዳምጠው ወጣት ስራ ፈጣሪ ስትሆን አክሊል የተሰኘ ተቋም መስራች ናት፡፡ ከተመሰረተ ሁለት ዓመት እድሜ ያለው አክሊል በዋናነት በአካባቢ ጥበቃ ላይ ዘላቂ የሆነ መፍትሄ ለማምጣት የሚጥር ተቋም ሲሆን ከቀርክሃ እንጨት ክር በማምረት የመጀመሪያ ምርቱ የሆነው ሳባ ካልሲ በማምረት ስራውን ጀምሯል፡፡ ባለፈው አንድ ዓመት ጊዜ ውስጥም ልዩ የሆኑ ኢትዮጵያዊ ንድፍ የያዙ ምንጣፎች እና ብርድልብሶችን ከቀርክሃ እያመረተ ይገኛል፡፡

Get more results via ClueGoal