Issittumi Sakkutooqarfiup Kangerlussuarmi suliaqarnerulernissaa, Danmarkip naalakkersuisuisa kissaatigaat. Qanorli suliaqarnerulertigissanersoq oqaatiginngilaat.

IA-p Siumullu akornanni ineqarnermut aaqqissuusseqqinnissamut isumaqatigiissutip Namminersorlutik Oqartussat inissiaataasa iluarsartuunneqarnissaat aalajangiusimavaa. Qanorli iluarnikkut, qanoq annertutigisumik inissialluunniit sorliit iluarsartuunneqarnissaat aalajangerneqanngilaq.

Nunani allani aningaasaliinerit pissutigalugit Royal Greenland amigartoorujussuarpoq. Sukaterisoqaleraluartoq nunani allani ingerlatat, ungasinnerusoq eqqarsaatigalugu suliffeqarfimmut iluaqutaasut, pisortaaneq oqarpoq.

Aalisarnermut inatsit maannakkutut itsillugu akuerineqassappat kingunerluutaasussanik ilungersunarluinnartunik isiginngitsuusaarisoqarnissaa illuatungiliuttut ernumassutigaat.

Angut eqqissiviilliortitsisutut arfininngornermi tigusaasoq ulluni 25-ni tigummineqarallanngortussanngortinneqarpoq.

Kalaallit Danmarkimi ilinniartut atugaat ukkatarineqarlutik Marienborgimi oqallinnissamut IA-p Siumullu Folketingimi ilaasortaatitaasa qaasarpaat.

Issittumi Tunngaviusumik Ilinniarfimmi ilinniartut siulliit 22-t sapaammi maajip ulluisa tallimaanni ilinnialissapput.

65-inik ukiulik Madonna, Rio de Janeiromi akeqanngitsumik arfininngornermi unnukkut tusarnaartitsivoq inuit 1,6 millionit tusarnaariarlutik.

Hashi 2,3 kiilu Kangerlussuarmi mittarfimmi nassaarineqarput.

Timersoqatigiiffiit Assammik Arsartartut Kattuffiat, TAAK, pikkorivissunik ineriartortitsinissamut aningaasanik amigaateqarpoq. Aningaasassaaleqineq sungiusaasumik soraarsitsinermik kinguneqarpoq, kattuffillu maanna politikerinut ikioqquvoq.

Aalisarnermut inatsisissatut siunnersuutip aappassaaneerneqarnissaata kinguartinneqarnissaanut qinnuteqaat, inatsisartut siulittaasoqarfiata tigusimavaa.

Brasiliap kujasissortaani nunap immikkoortuata guvernøriata oqarnera naapertorlugu illoqarfissuarmi Porto Alegremi aatsaat taama qarsutsinersuaqarfiutigaaq.

Tilluuttartut Brooklynimiit, Queensimiit aamma New Jerseymeersut arfininngornermi unnukkut tilluuttoqarnissaanut atatillugu Nuummi tikeraarput.

Isumaliutissiissut. Pissannganarpalunngikkaluarpoq, aalisarnermulli inatsissami taama ittoq pissanganartorsiortitsisinnaavoq.

Arsaattartut kattuffiat KAK illup iluani arsaanermi futsalimi silamilu arsaannermi nunanut allanut unammisartoqarusuppoq. Nunanut tamalaanut unammiartortarnissaq anguniagaavoq.

Inuiattut ullorsiorneq ukioq manna qaammammuliartartumik ilaqassaaq. Danskit avataarsualiartartuat, Andreas Mogensen juunip naanerani nunatsinnut tikeraassaaq.

Angutit arlallit pisuni katillugit 21-usuni unnerluunneqarput. Pisuni peqqarniinnerit sisamanngornermi eqqartuussinermi qaqilerneqarput.

Naartuersinnissamut Danmarkimi malittarisassartaat atuutilerpata, nivissat 15-it 17-illu akornanni ukiullit angajoqqaatik naartuersinnerluunniit pillugu ataatsimiititaliaq akuersiteqqaarnagit aamma naartuersissinaalissapput.

Boris Johnsonip qinersinissamik itigartitaareernermini qinersisinnaajumalluni kiunermik uppernarsaatini assitalik puigorsimasani aaqqaartariaqarsimavaa.

Aalisarnermut inatsisissamik suliaqarneq pilersaarutit malillugit ingerlavoq. Tusarniaanermili akissutit Naalakkersuisunit pimoorunneqannginnissaat illuatungiliuttut aarlerissutigaat.

Eqqumiitsuliortut pingasut – matumani kalaaleq Jessie Kleemann Dronning Margrethe aappaanut eqqumiitsuliortuupput.

Umiarsuarnut ikiorsiissutinik usilinnut Gazami talittarfiugallartussaliorneq naammassingajalerpoq.

Palæstiinamiut erfalasuannik nassarlutik erinarsornermik unammisitsinermut Eurovisionimut Malmømi pisussamut orniguttut iseqqusaanavianngillat.

Kalaallisut savalimmiormiusullu oqaaseqarsinnaaneq Folketingimi 2023-mi akuerineqarpoq. Nunani allani inatsisiliortut oqaasiinik nutserinermut oqaluttaanermullu aningaasat periutsillu atorneqartartut amerlassusaat allaaserisami uani paasisaqarfigisinnaavatit.

Angutit marluk 20-t naajartorneranni ataaserlu 30 aallartilaarneranni ukioqartut suliami ataatsimi unnerluutigineqarput. Nakuusersimasutut, imigassartorsimatilluni biilinik ingerlatsisimasutut, kannguttaalliorfiginnittutut toqutseriarsimasutullu ilaatigut unnerluutigineqarput.

Erfalasut aappaluttut, kaffi, lagkaagi, oqalugiarnerit siulersuisullu ataatsimiinneranni imaqarniliat tammartarnerannik pisimasunik oqaluttuarnerit. Nunarsuaq tamakkerlugu sulisartut ulluat ileqqoq malillugu ippassaq nalliussineqarpoq.

Kalaallisut savalimmiusullu Folketingimi oqaloqqusaanermik malittarisassat naapertuunnersut takoqqaarlugu allanngornissaat pisariaqassanersoq oqallisigeqqikkumaaritsik, Folketingip siulittaasua Søren Gade (V) oqarpoq.

Issittumi Sakkutooqarfiup umiarsuisa taarserneqarnissaat illersornissamut isumaqatigiissummi allassamavoq. Umiarsuarnik pisinissmut isumaqatigiissut politikerinut ukiaru saqqummiunneqassaaq.

Pinerluttulerinermik inatsisip politikkikkut oqallisigineqarnerani taputartuussisoqarpallaarlunilu kukkusumik inerniliisoqarpallaartoq, Inatsisit Atuutsinneqarnerannut Naalakkersuisoq Naaja H. Nathanielsen isumaqarpoq.

Sakkutuujusussaatitaaneq Danmarkimi angutinut arnanullu naligiimmik 2027-mi atuutilissasoq, Danmarkip illersornissaq pillugu isumaqatigiissutitaavani allaqqavoq.

Palæstiinamiunut illersuillutik New Yorkimi ilisimatusarfiup Columbia Universityp eqqaani akerliussutsimik takutitsisut politiinit peersinneqartut, aviisi The New York Times allappoq.

Nunatta kujataani nunaqarfinni arlalinni Pilersuisumi nioqqutissaataasivinni nioqqutissat amigaataapput. Royal Arctic Linemi sikorsuaqarnera pissutigalugu nunaqarfinnut arlalinnut nioqqutissanik assartuisinnaanngilaq.

Tasiilami 250.000-imut nioqqutissat assartornerani kissartoqarneranut pissutsit pissutigalugit annaaneqarput. Innuttaasut maanna qerisunik inuussuteqarput, nioqqutissallu nillertumiittussat aatsaat uatsi pisiareqqissinnaallugit, Tasiilami akunnittarfimmik piginnittoq oqarpoq.

Air Greenlandip siorna naatsorsuutigisamisulli naatsorsuutai inerneqanngillat. Sinneqartoorutilli suli naammagisimaarnartut, timmisartuutileqatigiiffiup qullersai oqarput.

Qaammatit arfineq-pingasut kinguaassiorsinnaanngitsunut kinguaassiorsinnaanissamut ikiuinissamut naammanngitsut, Rigshospitalimi kinguaassiorusuttunut passussisarfimmi nakorsaaneq Anja Pindborg oqarpoq.